Ancien parlement de Normandie

Aubourg – Inventaire après décès (1634)

Guillaume Aubourg, pourvu des charges de premier huissier du roi, concierge et buvetier du parlement de Normandie, est l’un des membres de cette famille qui contribuera à son ascension sociale et sa fortune en quelques générations.

Titre d’Aubourg 1, trisayeul.

Du 3 may 1634, original en papier.

Inventaire des lettres et escriptures demeurez aprez le decedz de deffuncte damoiselle Ester Bertoult, veufve de feu noble homme maitre Guillaume Aubourg, vivant premier huissier, concierge buvetier en la cour de parlement de Normandie, a esté faicte par moy Vincent Le Saunier, huissier audict parlement, ce jourd’huy troisiesme jour de may mil six cens trente quatre a la requeste et presence de maitre Nicollas Aubourg, premier huissier, concierge et buvetier audit parlement, maitre Guillaume Aubourg, greffier des Estatz de Normandie, et de honneste femme Angelicque Morel, veufve de feu maitre Charles Aubourg, vivant commis au greffe criminel de la dicte cour, tutrice principalle des enffans soubzages du dit deffunct et damoiselle, les dictz sieurs Aubourg freres, et les dictz enffans mineurs heritiers de la dicte deffuncte Bertout, leur mere et ayeulle.

Premierement,

Une coppie du testament … 2 de deffunct noble homme maitre Jean Bertoult, de son vivant greffier criminel en la dicte cour, dabté de l’an mil six cens, collationné sur [folio 75v] l’original par noble et discrette personne maitre Jacques Bertout, seigneur prieur et patron du Bosroger, chanoine de l’eglize de Coustances, frere dudict deffunct sieur Bertout, executeur du dit testament, le vingt sixiesme juing mil six cens douze.

… Ung traicté de mariage en original dabté du neufviesme janvier mil cinq cens quatre vingt ung faict entre ledit deffunct sieur Aubourg, premier huissier, lors procureur en la dicte cour de parlement, filz et heritier en partie de deffunct noble homme maitre Estienne Aubourg, vivant advocat, et maitre Estienne 3 Mustel d’une part, et la dicte deffuncte damoiselle Ester Bertout, fille dudict deffunct maitre Jean Bertout et de damoiselle Margueritte Toustain d’autre … avec lequel traicté sont attachez une minutte d’icelluy rayé et glosée, une attestation de baptistaire et ung memoire des acoustrementz … du neufiesme janvier au dit an …

Item une coppie de contract passé devant Nicollas Saulnier et Jean Charles, nottaires au chastelet de Paris le XXVIIIe d’octobre 1VIc trente trois  4 entre noble homme maitre Jean Bertoult, conseiller du roy et general en sa cour des aides de Normandie, filz et heritier dudict feu sieur Bertoult, greffier, [folio 76] d’une part, et damoiselle Barbe Aubert, fille de deffunct noble personnes maitre Guillaume Aubert, vivant conseiller du roy et son advocat general en la cour des aides à Paris, et damoiselle Barbe Rougier, ses prere et mere, au bas de laquelle coppie est escript l’insinuation dudit contract de mariage faict au chastelet de Paris le douze de may 1VIc trante cinq [1635]. La dicte coppie collationnée et signée Heurtault.

… Une sentence arbitralle donnée entre ladicte deffuncte damoiselle Ester Bertout, d’une part, lesdictz sieurs Aubourg ses enffans, en dabte du vingt cinquiesme jour de novembre 1VIc vingt trois [1623], signée de Lestoille.

D'azur au lion d'or, accompagné en chef d'une larme d'argent et d'une étoile d'or.
Aubourg de Boury : D’azur au lion d’or accompagné en chef d’une larme d’argent et d’une étoile d’or.

… Ung accord et transaction des … differents meuz … entre la dicte deffuncte damoiselle Ester Bertoult, d’une part, et les dictz sieurs maitres Charles, Laurens, Nicollas et Guillaume Aubourg, ses enfans, d’une part. La dicte transaction dabtée du dernier jour de mars 1VIc vingt cinq [1625], signée Ester Bertoult, des dictz maitres Charles, Laurens, Nicollas et Guillaume Aubourg, freres, au-dessoubz de laquelle est la recongnoissance faicte au greffe des requestes du pallais à Rouen, signée … Crevel, greffier.

Une promesse et obligation du faict de noble [folio 76v] home maitre David Bertout, sieur de Touberville, conseiller secrettaire du roy, en dabte du premier jour de janvier mil six cens quatorze, de la somme de sept sens livres, leguee par le dict deffunct maitre Jean Bertout, son pere, a la dicte deffuncte damoiselle Ester Bertout … sur le dos de laquelle est la recongnoissance faicte aux requestes du Pallais le vingt ungniesme novembre 1VIc XXIII [1623].

… Ung arrest de la cour donné entre le dict maistre David Bertout, sieur de Touberville, d’une part, et ladicte deffuncte damoiselle Ester Bertoult, le troisiesme juing 1VIc vingt [1620], signé et scellé.

… Ung pouvoir soubz seing privé donné par la dicte deffuncte damoiselle Ester Bertoult et les ditz sieur Aubourg ses enffans, au dit maitre Laurens Aubourg, advocat, de faire sortir tous les deniers … qui ont esté adjugez par arrest allencontre du dit sieur Bertoult, secretaire, dabté du troisiesme jour de juing au dict an mil six cens vingt cinq.

… Une sentence donnée aux requestes du pallais le premier jour de decembre 1VIc trente ung [1631] entre ladicte deffuncte damoiselle Ester Bertoult, d’une part, et damoiselle Marie Bertoult, veuve de feu maitre Pierre de Plasnes, en son nom et comme tutrice [folio 77] de ses enfans, maitre Jacques de Solurt, premier esleu en l’election de Rouen, aiant espouzé damoiselle Marie de Plasnes, fille et heritiere en partye du dict deffunct, et damoiselle Catherine Bertoult, veufve de feu maitre David Morel, enfans et heritiers dudict deffunct Morel et maitre Barthelemy Rouillard, greffier au bureau des finances, filz et heritier de feue damoiselle Marie Bertoult, d’aultre, par laquelle est ordonné que ledict sieur Bertoult et ladicte deffuncte damoiselle Ester Bertout, representeoient la donation en original de quatre cens livres de rente donnez par le dit feu sieur Bertout, chanoine, tant a ladicte deffuncte damoiselle Ester Bertoult que a ses trois aultres sœurs.

… Ung contract passé devant les tabellions de Coustances le dixiesme jour d’avril 1VcIIIIxxXIX [1599] contenant donation faicte par ledict sieur Bertout, sieur et prieur du Bosroger, a damoiselle Ester, Caterine Margueritte et Marie Bertout ses quatres niepces, de chacune cent livres de rente insinué … aux assizes tant du siege de Coustances que bailliage de Rouen.

… Une quitance de ladicte deffuncte du dernier jour de juing 1VIc vingt cinq [1625] [folio 77v] comme elle confesse avoir receu du dit maitre Laurens Aubourg, son filz, les deniers qui luy ont esté adjugez par messieurs les conseillers commissaires pour sa pension et nourriture … signee Ester Bertoult.

… Ung escript soubz seing privé du septiesme juillet 1VIc vingt cinq [1625] faict entre maitres Laurens et Nicollas Aubourg, freres, recongneu aux requestes du Pallais ledit jour et an.

… Ung memoire non signé commenceant Memoire de l’argent que j’ay receu de mon filz le premier huissier depuis le premier juing 1VIc trente deux [1632] a desduire sur ce qu’il me doibt tant pour mon usufruit que j’ay droict de prendre sur son office, la pension de sa sœur Ysabeau, que cent cinquante livres de rente qu’il me doibt du remplacement que j’ay faict du racquit du sieur Baumer.

… Une promesse soubz seing privé en dacte du huictiesme jour d’octobre mil six cens trente ung recongneu aux consulz le dit jour et an du faict de maitre Noël Le Jeune, escuyer, sieur du Rocher, advocat en la dicte court de parlement, par laquelle il recongnoist que le racquict de cent livres de rente qu’il a faict le dit jour de Pierre de Mallon, bourgeois de Rouen, moiennant la somme de quatorze [folio 78] cens livres la dicte somme est provenue des deniers que la dicte deffuncte damoiselle Ester Bertoult, son ayeulle, luy a baillez.

Collation faicte sur l’original en papier cy dessus transcript par moy, huissier du roy en sa cour de parlement de Rouen, soubsigné ce premier jour de septembre 1VIc trente quatre [1634], a la requeste du dict sieur Aubourg, premier huissier, pour luy valloir et servir qu’il appartendra. (Signé Saunier).

Le saiziesme jour de septembre 1VIc trente quatre, en execution de la sentence donnée aux requestes du pallais a Rouen le dernier jour de juing dernier 1VIc trente quatre, contenant la choisie des lotz presentée par noble homme maitre Guillaume Aubourg, conseiller du roy et greffier des Estatz de la province de Normendie, a noble homme maitre Nicollas Aubourg, premier huissier du roy, concierge et buvetier en sa cour de parlement de Rouen, et a damoiselle Angelique Morel, veuve de feu noble homme Charles Aubourg, vivant commis au greffe criminel de la cour de parlement de Rouen, des successions [de] deffuncts noble homme maitre Guillaume Aubourg, vivant premier huissier, concierge et buvetier en la cour de parlement de [folio 78v] Rouen, et de damoiselle Ester Bertout, leur pere et mere, par laquelle est ordonné que celuy qui aura le troysiesme et denier desdictz lotz demeurera saisy des contractz et pieces mentionnées au dict troisiesme et derneir des dictz lotz, a esté a moy soubzsignée damoiselle Angelique Morel, veuve du dict deffunct maitre Charles Aubourg, mis en mes mains … les pieces qui ensuivent … une … obligation du faict de feu noble homme maitre David Bertout, sieur de Touberville, secretaire du roy, en dabte du premier jour de janvier 1VIc quatorze [1614], de la somme de sept cens livres leguée par deffunct maitre Jean Bertout son pere a ladicte deffuncte damoiselle Ester Bertout, … sur le dos de laquelle est la recongnoissance faicte aux dictes requestes le vingt uniesme jour de novembre 1VIc vingt quatre [1624] … (signé) Aubourg.

1 Hozier a mélangé – et peut-être dans ce volume confondu – la famille Aubourg qui nous intéresse ici et une famille d’Aubourg bien disctincte qui n’ont pas de lien. Il s’agit bien ici de la famille sans particule qui possédera deux générations plus tard la seigneurie de Boury-en-Vexin.

2 Le copiste indique ainsi un passage non recopié, car de peu d’intérêt pour l’usage que d’Hozier voulait en tirer.

3 Ici, un renvoi en marge : Ainsi dans le titre, c’est Madelene.

4 Lire 1633. Beaucoup d’années dans cet inventaire sont notées ainsi, combinant des chiffres romains, arabes et de lettres majuscules et minuscules. Notre transcription respecte cette notation, mais pour en faciliter la lecture et la compréhension, nous donnerons par la suite l’année en chiffres arabes entre crochets.

Généalogie :

Etienne Aubourg
X Madeleine Mustel
       |
Guillaume Aubourg, premier huissier au parlement de Normandie
X 1581 Esther Bertout
       |
Charles Aubourg,  greffier en chef au criminel du Parlement de Rouen
X 1616 Angélique Morel
       |
Guillaume Aubourg, chevalier, marquis de Boury
X 1655 Marguerite Chauvin
       |
Charles Aubourg, chevalier, marquis de Boury
X 1694 Françoise Rioult d'Ovilly
X 1697 Marie Rouxelin
       |
Guillaume Aubourg (secondd lit), chevalier, marquis de Boury et de Vayres
X Barbe Charlotte Aubourg de la Pelleterie
       |
Louis Charles Aubourg, chevalier, marquis de Boury
X 1755 Anne Rousseau de Chamoy
       |
Marie François Emilien Aubourg de Boury
X 1842 Euphémie Charlotte de Mengin-Fondragon
       |
Marie Aurélie Charlotte Aubourg de Boury 
X 1866 Alfred de Villoutreys
       |
Louise de Villoutreys de Brignac
X 1890 Joseph-Edmond H. de la Pinsonnais
       |
Jean H. de la Pinsonnais
X Elisabeth de Brébisson
Mes grands-parents

 

– Cet article est sous licence Creative Commons by-nc-sa.

Laisser un commentaire

Votre adresse e-mail ne sera pas publiée.